Kongresurako hautagaia Gipuzkoatik
Joseba Agirretxea Urresti (Ondarroa, 1966) 2008tik lan egiten du Kongresuan euskal interesen alde. Gaur egun, Nekazaritza, Arrantza eta Elikadura batzordeko ordezkari jeltzalea da, eta batzorde horretako presidentea ere bada. Horrez gain, Hezkuntza, Kirola; Berdintasuna; Zientzia, Berrikuntza eta Unibertsitateak; eta Kultura batzordeko bozeramailea da.
Joseba Agirretxea gudari baten biloba da eta, horregatik, oso gertutik bizi izan du beti politika. Ondarroan jaio arren, Donostian bizi da duela 30 urte baino gehiagotik. Ibilbide profesionala EiTBn hasi zuen, baina 2004an Gipuzkoako Batzar Nagusietako aholkulari taldean sartu zen, eta hortik Eusko Jaurlaritzako Komunikazio eta Kanpo Harremanetarako aholkularitzara egin zuen jauzi, Juan Jose Ibarretxe lehendakari zela. Zinema eta musika oso gustuko ditu, eta sukaldaritza ere maite du.
Zure ahotsaren indarra behar dugu: zure botoa. U23an EAJ-PNV bozkatu, Euskadiren ahotsa.
Maribel Vaquero Montero
Joseba Agirretxea Urresti
Josu Arraiz Aranburu
Olatz Peón Ormazabal
Loreto Osa Ocón
Iñigo Barandiaran Benito
Luke Uribe-Etxebarria Apalategi
Mertxe Garmendia Bereziartu
Rafa Uribarren Axpe
Euskal nazio nortasuna, bere Eskubide Historikoak, erakundeak eta autogobernua defendatzen ditugu, eta Euskal Taldearen eskutik egiten dugu, inoren menpe egon gabe.
Inboluzio demokratikoari aurre egiten diogu, bai eta populismoei eta alde bateko zein besteko demagogiari ere.
Eskubide zibil eta demokratikoen defentsa lideratzen dugu (Sekretu Ofizialen legearen aldarazpena, Mozal legearen aldarazpena, Estatuko buruaren bortxaezintasuna,…).
Politika aldarrikatzen dugu eta elkarbizitza lortzeko eta herritarren alde egiten den zerbitzu publiko gisa ulertzen dugu.
Hitzemanda gaude emakume eta gizonen arteko berdintasunarekin, indarkeria matxistaren kontrako borrokarekin eta soldata-arrakala ezabatzeko lanarekin, eta erabakiak hartzeko guneetan emakumeen benetako presentzia ahalbidetzea defendatzen dugu.
Justizia soziala eta diskriminazio eza defendatzen ditugu, eta gure nagusientzat pentsio duinak eta gazteentzat oraina eta etorkizuna bermatuko dituen ongizate estatua aldarrikatzen dugu.
Klima aldaketaren kontra borrokatzen gara eta ingurumenaren eta energiaren jasangarritasuna sustatzen ditugu kontsumitzaile zaurgarria babesteko eta arrazoizko tarifak ezartzeko hiritarrentzat, enpresentzat eta industriarentzat.
Esparru publiko eta pribatuaren arteko lankidetzan sinesten dugu eta industriaren, ETEen eta langile autonomoen aldeko apustua egiten dugu, bai eta berrikuntzaren eta nazioartekotzearen alde ere, gizarte oparoa lortzeko. Eta konprometituta gaudelako behar bezala ordaindutako enpleguaren defentsarekin, bereziki gazteentzat.
Fiskalitate bidezko eta birbanatzailea defendatzen dugu eta Ekonomia Itunaren bidez zerga-politikarako dugun ahalmena zabaltzea exijitzen dugu.
Europa gehiago nahi dugu; sozialki aurreratua, kohesionatua, ekonomikoki lehiakorra, non Euskadik ahots propioa izango baitu.
